Colemêrg

Colemêrg bajarekî herêma Hekariyê ye û wekî navenda vê herêmê tê zanîn. Sînorên herêma Hekariyê ku bajarê Colemêrgê digire nav xwe, bi Sêrt, Şirnex, Wan, Dihok û Urmiyeyê re hene. Dîroka bajêr digihîje dema ûrartûyan (1000 B.z.)
Xwezaya Colemêrgê gelekî xweşik e. Gelek cureyên kulîlk û gihayan lê şîn tên û gelek cureyên ajalan jî lê hene. Kulîlka herêmê ya herî navdar şilêr e. Taybetmendiya xweşikayî û dewlemendiya xwezaya herêmê ew ku lê du cure avhewaya hene. Li aliyên çiyayan avhewayeke sar heye lê li geliyan avhewaya Behra Spî serdest e. Ji ber vê taybetmendiyê li herêmê di kêliyekê de 4 (çar) demsal xwe didin hîskirin.
Li herêmê gelek çiya hene. Mînak: Çiyayê Cîlo, Çiyayê Simbî, Çiyayê Sermedar, Çiyayê Kato, Çiyayê Reşko, Çiyayê Durek, Çiyayê Maunsel, Çiyayê Gelyano, Çiyayê Garê, Çiyayê Geverokê, Çiyayê Termo, Çiyayê Barêdalo û Çiyayê Reş. Her wekî van çiyayan, li herêmê çem jî pir bi nav û deng in. Mînak: Çemê Avarobaşîn, Çemê Şemzînanê û Çemê Hacibegê. Dema ku ev her sê çem dibin yek, Çemê Zapa Mezin pêk tê. Çemê Xabûrê ku li herêmê ye, şaxeke Çemê Dîcleyê ye.
Eşîrên ku li herêmê dijîn ev in: Pinyanişî, Ertoşî, Doskî, Dirî, Oremarî, Silehî, Beyzade, Hinareyî, Bayî