Kerkûk

Li Kerkûkê ji bo ciwanan semînera danasîna çand û rewşenbiriyê

KERKÛK / DÎHA – Di semînera ku ji bo danasîna çand û rewşenbîriyê pêk hat de, hate destnîşankirin ku divê ciwan xwedî li çanda xwe derkevin.
Komeleya Çand û Hunerê ya Dîcleyê, li avahiya xwe ya ku li bajarê Kerkûka Herêma Federal a Kurdistanê ye, semînerek bi mijara "Çand û Huner" li dar xist. Semînera der barê danasîna çand û rewşenbîriyê de, ji aliye hunermendê Komeleya Dîcleyê ya Çand û Rewşenbiriyê Delîl Mîrsaz ve hate dayîn. Di destpêka semînerê de rêzgirtin pêk hat. Piştre, Hunermend Delîl Mîrsaz li ser weteya çandê axivî. Mîrsaz, wiha got: "Her çiqas çand ji bo gelan girîng be jî, rewşebîri jî xwedî girîngiyekê ye. Bêguman huner jî beşek ji rewşenbiriyê ye. Rewşenbîrî bi xwe wekî hevok, gotineke bi kurdî ye. Dîsa çand di gelek netewan de her çendê bi navê cuda tê binavkirin jî, di wetaya xwe ya bingehîn de haman wateyê dide hemû gelan."
Banga xwedîderketina li çanda kurdî
Mîrsaz destnîşan kir ku çand ji bo gelan xwedî weteya dîrokî ye. Mîrsaz got ku her mirov, her milet, bi çanda xwe dîroka xwe dinivîse. Mîrsaz wiha dom kir: "Pêwîst e ciwanên me yên nû, xwedî li çanda xwe derkevin. Bi taybetî jî ciwanên ku nû dest bi hunerê dikin. Ev yek girîng e."